تمام کاروبار رات 8 بجے دکانیں بند کرنے کے سلسلے میں آگاہ - تاجر برادری نےمکمل تعاون کی یقین دہانی کروا دی

 نوشہرہ ور کاں ( تحصیل رپورٹر محمد اکرم مہر)

 کھیالی شاہ پور تاجر برادری کی ایس ایچ او تھانہ کھیالی مسعود عالم مغل سے ملاقات ایس ایچ او نے تاجر برادری کو حکومت پنجاب کے احکامات کے مطابق تمام کاروبار  رات 8  بجے دکانیں بند کرنے کے سلسلے میں آگاہ کیا جس پر کھیالی شاہ پور کی تاجر برادری نےمکمل تعاون کی یقین دہانی کروا دی تفصیلات کے مطابق ایس ایچ او تھانہ کھیالی مسعود عالم مغل سے تاجر برادری کے عہدیداران سید ناصر  بخاری چیئرمین سپریم کونسل انجمن تاجران کھیالی کی قیادت میں شاہ پور بازار،شیخوپورہ روڈ،مدنی روڈ ،مکی روڈ،کھیالی بائی پاس کے دکانداروں  اور تاجر برادری نے  ایس ایچ او تھانہ کھیالی مسعود عالم مغل سے ملاقات کی اور سموگ آلودگی کے پیش نظر حکومت پنجاب کی ہدایت پر عمل کرتے ہوئے رات 8 بجے دکانیں بند کرنے کی مکمل یقین دہانی کرائی  ایس ایچ او مسعود عالم مغل نے کہا کہ سموگ آلودگی کی بڑھتی ہوئی صورتحال کی وجہ سے حکومت پنجاب نے   سموگ  کی روک تھام کیلئے  سخت اقدامات کا فیصلہ  کیالاہور، ملتان، فیصل آباد ۔ گوجرانوالہ سمیت  کاروباری سرگرمیوں پر پابندیاں عائد کردی گئی ہیں اور یہ پابندیاں ماحولیاتی قانون کی دفعہ چھ (ایک) (ٹی) کے تحت لگائی گئی ہیں  جس کے تحت میڈیکل سٹور، تندور، بیکریاں، پٹرول پمپ، کریانہ سٹور، سبزی پھل گوشت کی دکانیں کھلی رہیں گی، اوریوٹیلیٹی سروسز، بجلی گیس، انٹرنیٹ، فون کے اداروں پر پابندیوں کا اطلاق نہیں ہوگا